អ្នកគាំទ្រអង់គ្លេសរងការគំរាមកំហែងភេរវកម្មក្នុងព្រឹត្តិការណ៍ Euro ២០២៤
រដ្ឋមន្ត្រីក្រសួងមហាផ្ទៃអាល្លឺម៉ង់លោកស្រី Nancy Faeser បាននិយាយថា៖ ការវាយប្រហាររបស់ពួកអ៊ិស្លាមនៅក្នុងទីក្រុងម៉ូស្គូបានបង្កើនគ្រោះថ្នាក់កម្រិតថ្មីមួយខណៈការប្រកួតយូរ៉ូនៅសល់ត្រឹមតែជាង ៧៤ ថ្ងៃ..។
អ្នកគាំទ្រអង់គ្លេសដែលធ្វើដំណើរទៅអាល្លឺម៉ង់ដើម្បីមើលក្រុមរបស់លោក Gareth Southgate កំពុងរងការព្រមានគំរាមកំហែងភេរវកម្មថ្មីសម្រាប់ Euro ២០២៤។ លោកស្រី Faeser បានបន្ថែមថា៖ យើងកំពុងប្រមូលផ្តុំកម្លាំងរបស់អាជ្ញាធរសន្តិសុខឱ្យកាន់តែខ្លាំងសម្រាប់ការប្រកួតយូរ៉ូ។នេះគឺជាវិធានការចាំបាច់ដើម្បីការពារព្រឹត្តិការណ៍អន្តរជាតិដ៏សំខាន់មួយនេះ។
ក្នុងចំណោមវិធានការតឹងរ៉ឹងបំផុតដើម្បីការពារអ្នកគាំទ្រអង់គ្លេសក្នុងការប្រកួតនៅខែមិថុនាគឺផែនការបិទព្រំដែនបណ្ដោះអាសន្ននិងបង្កើនការត្រួតពិនិត្យតាមច្រកព្រំដែនខណៈប៉ូលិសអង់គ្លេសក៏នឹងនៅអាល្លឺម៉ង់ដែរ។ របងដែកនឹងត្រូវដាក់ពង្រាយជុំវិញមូលដ្ឋានក្រុមទាំងអស់ រួមទាំងទីតាំងសម្រាប់តារាបាល់ទាត់អង់គ្លេសរបស់លោក Gareth Southgate ដូចជាប្រធានក្រុម Harry Kane និងកីឡាករវ័យក្មេង Jude Bellingham ។
