Thiago និង Matip នឹងចាកចេញពី Liverpool នៅចុងបញ្ចប់រដូវកាលនេះ

ខ្សែបម្រើ Thiago Alcantara និងខ្សែការពារ Joel Matip នឹងចាកចេញពី Liverpool នៅចុងបញ្ចប់រដូវកាលនេះ។ អតីតកីឡាករជម្រើសជាតិអេស្ប៉ាញ Thiago វ័យ ៣៣ ឆ្នាំបានចូលរួមជាមួយ Liverpool ពីក្លឹប Bayern Munich ក្នុងឆ្នាំ ២០២០ និងបានបង្ហាញខ្លួនចំនួន ៩៨ដងក្នុងអំឡុងពេលរបស់រូបគេនៅ Anfield ។ Matip វ័យ ៣២ ឆ្នាំលេងបាន ២០១ ដង និងស៊ុតបញ្ចូលទីបាន ១១ គ្រាប់សម្រាប់ Liverpool ចាប់តាំងពី Schalke ក្នុងឆ្នាំ ២០១៦ ។

Matip អតីតខ្សែការពារកណ្តាលកាមេរូន មិនបានបង្ហាញខ្លួនឱ្យហង្សក្រហមទេ ចាប់តាំងពីការដាច់សរសៃចងមុខ (ACL) ទល់នឹងក្រុម Fulham ក្នុងខែធ្នូ។ បន្ទាប់ពីខកខានរយៈពេល ៦ ខែដំបូង នៃរដូវកាលជាមួយនឹងបញ្ហាត្រគាក អតីតកីឡាកររបស់ក្លិប Barcelona Thiago បានត្រលប់មកវិញក្នុងខែកុម្ភៈប្រកូតទល់នឹងក្រុម Arsenal ប៉ុន្តែបានជួបប្រទះបញ្ហាសាច់ដុំអំឡុងពេលបង្ហាញខ្លួនរយៈពេលខ្លីរបស់រូបគេ ដែលបានធ្វើឱ្យរូបគេនៅក្រៅទីលាន៕ គួរឱ្យដឹងថា អ្នកចាត់ការ Liverpool លោក Jürgen Klopp ក៏នឹងចាកចេញពីក្លឹបនាចុងបញ្ចប់រដូវកាលនេះផងដែរ៕

ប្រភព៖ BBC