ធ្ងន់ករហើយ! ខ្សែការពារដ៏សំខាន់ Man Utd ពីរនាក់ត្រូវអវត្តមានពីទីលាន ១ ខែ ដោយសាររបួស
ខ្សែការពារដ៏សំខាន់ ២ នាក់របស់ក្លិបបិសាចក្រហម Manchester United គឺ Lisandro Martinez និង Victor Lindelof នឹងត្រូវអវត្តមានយ៉ាងហោចណាស់មួយខែ ដោយសាររបួស។ Martinez បានរងរបួសកំភួនជើងក្នុងការហ្វឹកហាត់ ខណៈដែល Lindelof របួសសរសៃពួរក្នុងការប្រកួតទល់នឹង Brentford កាលពីចុងសប្តាហ៍មុន។ ស្របពេលក្រុមរបស់ Erik ten Hag ក៏អវត្តមានខ្សែការពារ Luke Shaw និង Tyrell Malacia ផងដែរ ដោយសាររបួស។
Martinez និង Lindelof ត្រូវបានគេរំពឹងថានឹងត្រលប់មកវិញនៅរដូវកាលនេះ ប៉ុន្តែការអវត្តមានរយៈពេលមួយខែ នឹងធ្វើឱ្យពួកគេខកខាន ៥ ប្រកួតនៅ Premier League និង FA Cup វគ្គពាក់កណ្តាលផ្តាច់ព្រ័ត្រ ដែលត្រូវប៉ះគ្នាជាមួយក្រុម Coventry។ United បច្ចុប្បន្នកំពុងឈរនៅលេខរៀង ៦ ក្នុងតារាងលីគកំពូលអង់គ្លេស Premier League ដោយប្រដេញតាមពីក្រោមក្រុមលេខ ៤ គឺ Aston Villa ចំនួន ១១ ពិន្ទុ..៕
ប្រភព៖ BBC
