Xavi ដាក់លក្ខខណ្ឌបីធំៗ ដើម្បីបន្តដឹកនាំ Barca

Apr 2, 2024 - 17:39
 33
ចែករំលែកទៅកាន់

យោងតាមប្រភពព័ត៌មានក្នុងស្រុកអេស្ប៉ាញចេញផ្សាយ កាលពីថ្ងៃ០២ ខែមេសា ឆ្នាំ២០២៤ បានឱ្យដឹងថា លោក Xavi បានដាក់លក្ខខណ្ឌធំៗចំនួន៣ដើម្បីបន្តតួនាទីជាអ្នកចាត់ការទូទៅរបស់ក្លិប FC Barcelona..។ 

តើលក្ខខណ្ឌទាំងនោះមានអ្វីខ្លះ?

១ - ក្រុមត្រូវតែធ្វើបានល្អក្នុងការប្រកួត UEFA Champions League នារដូវកាលនេះ ដូចជាឈានដល់វគ្គផ្តាច់ព្រ័ត្រ ឬអាចឈ្នះវា។ Barca ក៏ត្រូវតែតស៊ូដើម្បីពានរង្វាន់ La Liga រហូតដល់ទីបញ្ចប់។ ការទាមទារនេះគឺស្ថិតនៅលើក្រុមមិនមែនជាអ្នកគ្រប់គ្រងក្លឹបទេ។ 

២ - ក្រុមត្រូវតែចុះហត្ថលេខាលើកីឡាករសំខាន់ៗមួយចំនួនដើម្បីជួយកែលម្អក្រុម។ Xavi ធុញទ្រាន់នឹងការពឹងផ្អែកខ្លាំងលើកីឡាករក្មេងជំទង់ មិនថាពួកគេល្អប៉ុណ្ណាក៏ដោយ។ Xavi កំពុងទាមទារឱ្យ Barca ធានាថាពួកគេនឹងចុះហត្ថលេខាលើកីឡាករដែលគាត់ធ្លាប់បានបញ្ចុះបញ្ចូលឱ្យចូលរួមជាមួយក្លឹបដូចជា Martin Zubimendi ឬ Joshua Kimmich និង Bernardo Silva ។ គ្មានកីឡាករណាម្នាក់ក្នុងចំណោមកីឡាករទាំង៣នេះមានតម្លៃតិចជាង៥៣ លានដុល្លារទេ។ 

៣ - លោកចង់បានការធានាថា Barca អាចយកឈ្នះលើបញ្ហា Financial Fair Play របស់ពួកគេ និងទិញកីឡាករទាន់ពេលដើម្បីចាប់ផ្តើមរដូវកាលថ្មី។

ការទាមទាររបស់ Xavi ទាំងបីចំនុចនេះមានសុពលភាព ប៉ុន្តែលក្ខខណ្ឌទី២ ហាក់ដូចជាមិនអាចទៅរួចនោះទេ ខណៈដែល Barca មិនមានលទ្ធភាពទិញកីឡាករដោយមិនលក់កីឡាករខ្លះចេញនោះទេ។ នោះមានន័យថាពួកគេធ្វើឱ្យក្រុមចុះខ្សោយ ដែល Xavi មិនចង់បាន។ថៅកែ Barca នៅតែសង្ឃឹមថាពួកគេអាចបញ្ចុះបញ្ចូល Xavi ជាមួយនឹងគម្រោងរយៈពេលវែងរបស់ពួកគេ៕