តើ Ronaldo កាន់កាប់និងត្រៀមបំបែកកំណត់ត្រាអ្វីខ្លះសម្រាប់ Euro ២០២៤?
Cristiano Ronaldo បានលេងពានរង្វាន់ EURO លើកដំបូងនៅឆ្នាំ ២០០៤ ក្នុងវ័យ១៩ ឆ្នាំ ហើយបានជួយក្រុមព័រទុយហ្គាល់ឈ្នះជើងឯកក្នុងឆ្នាំ២០១៦ ព្រមទាំងបានបង្កើតកំណត់ត្រាជាច្រើន។ ចំណែកការប្រកួតឆ្នាំនេះ Ronaldo ត្រៀមបង្កើតកំណត់ថ្មីបន្ថែមទៀត។
តើRonaldo ធ្លាប់ទទួលបានកំណត់ត្រា EURO អ្វីខ្លះ?
១-វត្តមានប្រកួតច្រើនជាងគេ
Ronaldoចូលរួមប្រកួតបាន២៥ដង(សរុបទាំងជម្រុះគឺ៦០ប្រកួត)នាំមុខមិត្តរួមជាតិ២នាក់គឺ Joao Moutinho និងPepe (១៩ដងស្មើគ្នា)។
២-ស៊ុតបញ្ចូលទីបានច្រើនជាងគេ
Ronaldo ស៊ុតបញ្ចូលទីបាន ១៤គ្រាប់នាំមុខកីឡាករបារាំង២រូបគឺ Michel Platini (៩គ្រាប់)និង Antonie Griezmann (៩គ្រាប់)និងAlan Shearerរបស់អង់គ្លេស (៩គ្រាប់ដែរ)។ប្រកួតចុងក្រោយឆ្នាំ២០២០ រកបាន៥គ្រាប់។
៣-បានលេងវគ្គផ្តាច់ព្រ័ត្រច្រើនជាងគេ
Ronaldo បានលេងវគ្គផ្តាច់ព្រ័ត្រ៥ដងច្រើនជាងគេ( ២០០៤-២០០៨-២០១២-២០១៦-២០២០)
តើ Ronaldo ត្រៀមបង្កើតកំណត់ត្រាថ្មីអ្វីខ្លះ?
១-ការបង្កើតឱកាសយូរ៉ូច្រើនបំផុត
យោងតាម BBC Sports ខ្សែប្រយុទ្ធ Ronaldo បានបង្កើតឱកាសចំនួន៤១ក្នុងការប្រកួតចំនួន៥ដងចុងក្រោយ។ គាត់គឺជាកីឡាករទី២តាមពីក្រោយមិត្តរួមជាតិ Luis Figo ដែលបានបង្កើតឱកាស៤២ ។ Ronaldoត្រូវការពីរទៀតដើម្បីបំបែកកំណត់ត្រានេះ។
២-ជួយមិត្តរួមក្រុម(assists)បានច្រើន
យោងតាម Viva Posta បានឱ្យដឹងថា Ronaldo បានផ្តល់ជំនួយដល់មិត្តរួមចំនួន ៦ដងក្នុងការប្រកួត ស្មើអតីតខ្សែបម្រើស្លាបអន្តរជាតិឆេក Karel Poborsky ។ គាត់នឹងក្លាយជាអ្នកបង្កើតទម្រង់លេងបានយ៉ាងល្អបន្ថែមទៀត ប្រសិនបើគាត់ជួយមិត្តរួមក្រុមក្នុងព្រឹត្តិការណ៍ឆ្នាំនេះ។ Kevin De Bruyne របស់បែលហ្សិកជួយមិត្តិរួមក្រុមបានចំនួន៥ដងហើយក៏ជាកីឡាករម្នាក់ដែលត្រូវប្រយ័ត្នដែរ។
៣-ស្បែកជើងមាស EURO
អតីតតារាឆ្នើមរបស់ Real Madrid ទទួលបានស្បែកជើងមាស Euro ២០២០ជាមួយនឹងការស៊ុតបញ្ចូលទីបាន ៥ គ្រាប់ស្មើនឹងកីឡាករ Patrik Schick របស់សាធារណរដ្ឋឆេក។ ប្រសិនបើគាត់ឈ្នះពានរង្វាន់អ្នកស៊ុតបញ្ចូលទីច្រើនជាងគេនៅឆ្នាំនេះ គាត់នឹងក្លាយជាមនុស្សដំបូងគេដែលមានស្បែកជើងមាស EURO ពីរ។
៤-ចង់ក្លាយជាកីឡាករទីពីរឈ្នះពានយូរ៉ូក្នុងនាមជាប្រធានក្រុម
អតីតប្រធានក្រុមជម្រើសជាតិអេស្ប៉ាញ Iker Casillas គឺជាកីឡាករតែម្នាក់គត់ដែលឈ្នះការប្រកួតពីរដងក្នុងនាមជាប្រធានក្រុមគឺក្នុងឆ្នាំ២០០៨និង២០១២។ ប្រសិនបើព័រទុយហ្គាល់ឈ្នះជើងឯកមែននោះ អតីតមិត្តរួមក្រុម Real Madrid របស់គាត់នឹងក្លាយជាកីឡាករទី២ ដែលសម្រេចបានជោគជ័យនេះ៕
