Lewandowski ប្រាប់មូលហេតុដែល Barcelona លេងបានល្អ
ខ្សែប្រយុទ្ធ Robert Lewandowski របស់ក្លិប FC Barcelona បានលើកឡើងពីភាពប្រសើរឡើងរបស់ពួកគេ ក្នុងការហ្វឹកហាត់កាន់តែខ្លាំងក្នុងប៉ុន្មានសប្តាហ៍ថ្មីៗនេះ ខណៈដែលក្លិបបានរកឃើញទម្រង់លេងដ៏ល្អបំផុតរបស់ពួកគេក្នុងរដូវកាលនេះ។ ជ័យជម្នះរបស់ពួកគេលើក្រុម Atletico Madrid គឺជាការបរាជ័យនៃការប្រកួតលីគក្នុងផ្ទះលើកដំបូងសម្រាប់ក្រុមរបស់លោក Diego Simeone..។
បន្ទាប់ពីយកឈ្នះ Atletico Madrid ខ្សែប្រយុទ្ធ Lewandowski បានចោទជាសំណួរថាតើវាជាការប្រកួតល្អបំផុតប្រចាំរដូវកាលឬ? វាអាចដែរតែខ្ញុំមិនប្រាកដទេ ប៉ុន្តែអ្វីដែលសំខាន់បំផុតនោះគឺថា ពួកយើងលេងបានយ៉ាងល្អតាំងពីនាទីដំបូង ដោយការប្រកួតមានការគ្រប់គ្រងបាល់បានល្អ និងរកបានបីគ្រាប់នៅលើទីលាន។ ខ្ញុំសប្បាយចិត្តខ្លាំងណាស់ ដោយមិនត្រឹមតែរកគ្រាប់បាល់បញ្ចូលទីប៉ុណ្ណោះទេ ថែមទាំងជួយមិត្តរួមក្រុមបានពីរលើកទៀតផង។ ប្រសិនបើយើងលេងកាន់តែងាយស្រួល យើងលេងកាន់តែល្អ។
ជាមួយនឹងជ័យជម្នះនេះ កីឡាករសញ្ជាតិប៉ូឡូញបានបង្ហាញហេតុផលថា ខ្ញុំគិតថាក្នុងរយៈពេលពីរ, បី, បួនសប្តាហ៍ចុងក្រោយនេះ យើងបានផ្លាស់ប្តូរការហ្វឹកហាត់របស់យើងបន្តិច ដោយមានភាពខ្លាំងក្លាជាងមុន។ ដោយហ្វឹកហាត់ខ្លាំងទាំងរាងកាយនិងទឹកចិត្ត។ ឥឡូវខ្ញុំក៏មានអារម្មណ៍ល្អដែរ។ មិត្តរួមក្រុមរបស់ខ្ញុំក៏ដូចគ្នាដែរ ។ យើងចង់បោះជំហានទៅមុខ។ យើងមានពេលឈប់សម្រាកសម្រាប់ការប្រកួតអន្តរជាតិពីរ-បីសប្តាហ៍។ ពេលនេះមានសារៈសំខាន់ណាស់។ យើងមិនត្រឹមតែចង់ឈ្នះប៉ុណ្ណោះទេ ប៉ុន្តែលេងឲ្យបានល្អជាងនេះ៕
