Real Madrid ពាក់អាវពណ៌ទឹកក្រូចនិងត្នោតនៅរដូវកាលក្រោយ
ក្លិបអធិរាជ-ស Real Madrid ត្រូវបានគេរាយការណ៍ថាបានត្រៀមខ្លួនរួចជាស្រេចសម្រាប់ការមកដល់របស់ Kylian Mbappe នៅរដូវក្តៅនេះ ។ វត្តមានរបស់ Mbappe គឺជាសក្តានុពលដ៏ធំសម្រាប់ទីផ្សារ និងប្រាក់ចំណូលពីការលក់អាវនិងវត្ថុអនុស្សាវរីយ៍ ប៉ុន្តែក្លិបយក្សអេស្ប៉ាញនេះ ត្រូវបានកំណត់ដើរទៅរកជម្រើសហានិភ័យសម្រាប់ការផ្លាស់ប្តូរព័ណ៌ឈុតសម្លៀកបំពាក់របស់គេ។
អាវសម្រាប់ការប្រកួតក្នុងផ្ទះរបស់ពួកគេនឹងនៅរក្សាពណ៌សដដែល ប៉ុន្តែក្លឹបបាននិយាយថា ក្រុមហ៊ុនផលិតសម្លៀកបំពាក់កីឡា Adidas កំពុងធ្វើការប្តូរឈុតក្រៅផ្ទះទៅជាពណ៌ទឹកក្រូចសម្រាប់រដូវកាលក្រោយ ហើយអាវទីបីរបស់ពួកគេនឹងមានពណ៌ត្នោត។ Real Madrid ធ្លាប់ពាក់ពណ៌ទឹកក្រូច ប៉ុន្តែមិនដែលមានអាវពណ៌ត្នោតទេ។
