តើកីឡដ្ឋានបាល់ទាត់ណាមានបរិយាកាសល្អបំផុតនៅក្នុងពិភពលោក?
ក្នុងចំណោមកីឡដ្ឋានទាំងអស់មានតែ La Bombanera របស់ប្រទេសអាហ្សង់ទីនមួយប៉ុណ្ណោះដែលមានបរិយាកាសដ៏បំផុតនៅក្នុងពិភពលោក។ ចំណែកចំណាត់ថ្នាក់លេខ២បានទៅលើកីឡដ្ឋាន Celtic Park របស់ក្លិប Celtic និងជាបន្តបន្ទាប់ Signal Iduna Park របស់ Dormund , San Siro របស់ Inter និង AC Milan និងចំណាត់ថ្នាក់លេខ ៥ បានទៅលើ Anfield របស់ Liverpool ។
កីឡដ្ឋាននេះត្រូវបានកសាងឡើងក្នុងឆ្នាំ ១៩៣៨ ប្រើប្រាស់រយៈពេល២ឆ្នាំ។វាត្រូវបានសម្ពោធដាក់អោយប្រើប្រាស់នៅថ្ងៃទី ២៥ឧសភា ១៩៤០ និងកែលម្អរឡើងវិញក្នុងឆ្នាំ១៩៩៥-៩៦។គិតមកទល់ពេលនេះមានអាយុកាល៨៣ឆ្នាំកន្លងមកហើយ។បច្ចុប្បន្នវាជាកម្មសិទ្ធិរបស់ក្លឹប Boca Juniors។វាអាចមានសមត្ថភាពផ្ទុកមនុស្សបាន៥៧២០០នាក់។
តើគេវាយតម្លៃដោយផ្អែកទៅលើគោលការណ៍អ្វី?
១-សំឡេងដែលបានបង្កើតនៅក្នុងពហុកីឡដ្ឋាន
សំឡេងគ្រហឹមនៃអ្នកគាំទ្រពោពេញដោយការរំជួលចិត្តដែលជួយជំរុញលើកទឹកចិត្តកីឡាករឆ្ពោះទៅមុខ។
២-ការប្រកួតជាប្រវត្តិសាស្ត្រដែលជំរុញឬមានឥទ្ធិពលដោយអ្នកគាំទ្រ
ការប្រកួតដ៏ល្បីល្បាញ និងការឈ្នះដោយក្រុមម្ចាស់ផ្ទះដែលត្រូវបានជួយដោយបរិយាកាសខាងក្នុងកីឡដ្ឋាន។
៣-ក្រុមអ្នកគាំទ្រដែលជួយជំរុញបរិយាកាស
ក្រុមអ្នកគាំទ្រដែលល្បីល្បាញទូទាំងពិភពលោកសម្រាប់ឥទ្ធិពលដែលពួកគេមានលើបរិយាកាស។មុនពេលចាប់ផ្តើមប្រកួតអ្នកគាំទ្រ Boca Juniors ដែលគេស្គាល់ថា ឮ ប្រមូលផ្តុំជាច្រើនម៉ោងមុនការប្រកួត ដោយច្រៀងបទភ្លេងនៃក្លឹបជាទីស្រឡាញ់របស់ពួកគេ គ្រវីទង់ជាតិពណ៌ខៀវ និងលឿង។ បរិយាកាសគឺជាកម្លាំងចលករមួយដែលជួយអោយក្លឹបឈានដល់ចំណុចកំពូលរបស់ពួកគេ៕
ប្រភព៖ givemesport
